ALLARIZ

parroquias de melide

MÁIS PARROQUIAS

/504403158292525912/bb_t047_v000_s0un_f00/images/xslide2.gif" ismap="ismap"/>

GALIZA-CAMERÚN:A IRMANDIÑA INVICTA

duascentas fotos

CAMIÑANDO EN MELIDE

VIAXE A USA

HOLANDA

martes, 24 de julio de 2007

Dia da patria


Estamos nun ano de aniversarios. 30 anos das primeiras eleccións democráticas no Estado, 30 anos de A Nosa Terra, 30 anos da creación dos organismos preautonómicos de Catalunya e Euskadi, 30 anos das Encrobas, Baldaio, Xove e as tractoradas contra a CESSA, 30 anos das grandes manifestacións autonomistas en Galiza, e 30 anos do primeiro Día da Patria autorizado despois de catro décadas de ditadura.Estes días milleiros de persoas xúntanse en Compostela para celebrar o Día Nacional de Galicia, denominación oficial desta xornada, aprobada pola Xunta preautonómica en 1978 e nunca modificada, nin sequera durante os longos anos do fraguismo. Cambiaron moitas cousas nestes trinta anos, e para ben ou para mal os 25 de xullo de agora xa non son coma os da Transición.
O 25 de xullo, celebrámo-lo día do noso país, en palabras de Castelao: "a festa maor de Galicia", a festa de todol-os galegos".
As orixes desta celebración remóntanse ó 1920, ano no que as Irmandades da Fala organizan o primeiro Día de Galicia como acto de afirmación da nosa identidade colectiva.Dende esta primeira convocatoria, as manifestacións organizadas para conmemora-lo Día de Galicia estiveron sempre condicionadas pola situación política de cada momento, aínda que sempre tiveron como eixo central a reivindicación dos nosos símbolos e a nosa identidade coma país.Durante a longa noite de pedra, as sociedades galegas na emigración manteñen acesa esta convocatoria e, en Galicia, o galeguismo se concéntrase ó redor da tradicional misa por Rosalía na igrexa de Santo Domingo de Bonaval.A finais da década dos 60, as organizacións nacionalistas comezan a convocar concentracións en Compostela o 25 de xullo. É no 1973 cando se empeza a utiliza-lo termo "Día da Patria Galega", denominación que pouco a pouco se vai consolidando e que se mantén na actualidade, aínda que tamén se segue utilizando a de Día de Galicia.Dende a instauración da democracia e a promulgación do Estatuto de Autonomía, a práctica totalidade das organizacións políticas e unha boa parte das institucións públicas programan todo tipo de actividades para conmemoraren esta data. Ás declaracións institucionais da Xunta de Galicia e do Parlamento Galego; ós bandos municipais chamando ós veciños e veciñas a celebra-lo Día e a coloca-la bandeira galega o mesmo 25 de xullo en rúas e balcóns; ás conferencias, mítins e xornadas de confraternidade que preceden ou teñen lugar o propio 25, hai que suma-las manifestacións populares de carácter reivindicativo que ese mesmo día percorren as rúas de Compostela.

4 comentarios:

FIZ dijo...

Feliz Dia.
Desfrutao....Espero que non che toque guardia.

A min tócame lonxe este ano. Mais celebrareino igoalmente.
SAUDOS COMPAÑEIRO.

fandi dijo...

Boas DrCar.
como me dixeches o Dia da Patria, avisote de cal é o meu novo blog:
www.fandiarzua.blogspot.com

ala, e a seguir escrivindo

A lareira de Santiso dijo...

Compañeiro!
que chulazas as fotos que pos no teu blog!!
por certo,... débesme un correo sobre certo acto social deste venres...!
bicos

A lareira de Santiso dijo...

amigho!
hoxe por aquí falan de vós.
bicos!

http://www.vieiros.com/nova/60210/vinte-mil-persoas-asinan-en-apoio-do-courel