CANDO MENOS CONTRADICTORIO

Francisco Rodríguez condena as contradicións da UE respecto a independencia de Kósovo

O portavoz do Bloque Nacionalista Galego (BNG) no Congreso na recentemente terminada lexislatura, Francisco Rodríguez, considera que o apoio da maior parte da Unión Europea á independencia de Kósovo puxo de manifesto as "contradicións" da política comunitaria en canto á secesión, xa que, mentres a apoia para provincia serbia, négaa para outros territorios intracomunitarios.O político galego compartía así, no fondo, o reproche lanzado onte á UE polo presidente ruso, Vladimir Putin, quen acusou á Unión de alentar a independencia de Kósovo e frear procesos similares noutros lugares como o Estado Español, onde hai forzas que reclaman a secesión de determinadas comunidades."É certo que hai unha contradición na política da Unión, que defende fronteiras inamovibles na Europa comunitaria e fronteiras a capricho dos intereses de estranxeiros e do sentimento nacional nos casos que beneficia ás súas propias estratexias económicas e políticas e ás de Estados Unidos", explicou.No entanto, "aínda respectando o dereito do pobo kosovar á independencia", Rodríguez admitiu que este se un caso "moi problemático" porque gran parte do territorio que se vai a independizar pertenceu a Serbia e moitos dos seus habitantes son inmigrantes serbios.En opinión do que fose portavoz parlamentario do BNG, a "solución dunha imposición unilateral" da independencia apoiada pola Unión Europea e Estados Unidos está "chea de intereses que non son precisamente os do pobo kosovar". En calquera caso, Rodríguez considerou que desde o punto de vista "ideolóxico" e "teórico", a independencia de Kósovo pode ser reivindicada como un precedente polas forzas independentistas que defende a secesión dalgúns territorios do Estado español. "Calquera proceso de autodeterminación é lexítimo en calquera parte de Europa", concluíu.