NORMALIZACIÓN

A Mesa denuncia que se recrimine o uso do galego nun hipermercado da Coruña
Carlos Callón, presidente desta organización presentn varios casos de acoso laboral por cuestións de lingua.

A Mesa pola Normalización Lingüística denunciou hoxe novos casos de discriminación lingüística entre eles a unha empregado dun hipermercado da Coruña á que un xefe de sección recriminoulle que se dirixise aos clientes en galego, coa frase: «¡Burricana, non fales linguas menores!».
Estas son xa corenta as queixas de acoso laboral por cuestións de lingua presentadas ante a Mesa nos últimos dous anos, segundo o presidente desta organización, Carlos Callón, que hoxe ofreceu unha rolda de prensa na Coruña.
Outro membro da Mesa, Fran Rei, sinalou que un cidadán denuncio tamén que lle devolveron un escrito presentado nun centro de Pontevedra dicíndolle que se quería ser atendido debería redirixilo ao mesmo en castelán.
Callón declarou que segundo a lexislación vixente »a discriminación por cuestións de lingua esta penada« e subliñou que os casos que lle chegan á Mesa son »moi limitados, sabemos que son só a punta do iceberg«, e aínda así nos últimos dous anos levamos rexistrados corenta casos de mobbing lingüístico», porque nalgunhas ocasións este tipo de acoso pode chegar ao despedimento laboral.
O presidente da Mesa pediu medidas para solucionar esta situación e dirixiuse á secretaría xeral de Política Lingüística, «que ten que deixar de ser a vea adormentada da Xunta de Galicia».