Agora falta leite

O nivel de produción leiteira aumentou en Galiza un 2,5%, ao tempo que a escaseza desta materia prima na Unión Europea provocou unha suba de 1,5 céntimos de euro por litro. Xabier Gómez Santiso, dirixente do Sindicato Labrego Galego, sinala que isto orixinará que o sector lácteo galego sexa un referente. O consumo de manteiga en pó en varios países da Unión Europea é o feito que está a desencadear un aumento da demanda de leite, o que garante unha explotación cun nivel mínimo de rendabilidade. A escaseza desta materia prima tradúcese nunha recuperación da suba dos prezos, aínda que segue a desconfianza por parte dos labregos, xa que “chega despois de ter que soportar unhas reducións importantes, e os gandeiros comezamos a estar cansos; ademais, non se debería atender só á explotación do leite, senón tamén a outras actividades derivadas”, afirma Xabier Gómez Santiso, responsábel de gandería do Sindicato Labrego Galego (SLG). Este ascenso vense producindo dende os meses de abril e maio e está cifrado en 1,5 céntimos de euro por litro. O nivel de produción leiteira baixou en todo o Estado un 1,7%, mentres que en Galiza aumentou un 2,5%. Isto fai que o noso país sexa unha referencia no sector lácteo “e o futuro do Estado”, asegura Xabier Gómez Santiso. Pese a todo, a cota galega viuse reducida xa dende a pasada campaña de 185.595 a 53.000 toneladas.

NON HAI QUEN ENTENDA ESTE GRAN CENTRO COMERCIAL CHAMADO EUROPA QUE NOS QUEREN FACER VER;PRIMEIRO RESULTA QUE NOS MULTAN POR PRODUCIR EN EXCESO E AGORA RESULTA QUE FALTA LEITE.A VERDADE E QUE MELLOR NON PENSAR PORQUE PODE UN CHEGAR A CONCLUSIONS MOI DISPARES:
¿QUE PASA AGORA CAS MILES DE SANCIÓNS POR EXCESO DE PRODUCCION?
¿FARAN FALLA MAIS BARCOS UNHA VEZ SEXAN, OS NOSOS ,REDUCIDOS A CHATARRA?
OU AUMENTARAN EN TROQUES UNHA VEZ DESAPAREZAN OS NOSOS ASTALEIROS
PREGUNTAS COMA AS ANTERIORES ACODEN SEN PARAR O MEU MAXIN COMO IDEAS PARANOICAS NUN FLUIR DESORDEADO...AS VECES O MAIS SINXELO SERIA NON PENSAR