Entrevista a Roberto Lago

"Sería moi bonito para a afección quedar campión do Estado coa Selección Galega"
Roberto Lago é, con 22 anos, un dos xogadores máis salientábeis do Celta, equipo no que se formou dende pequeno, pasando polas categorías inferiores ata chegar ao primeiro equipo. O 27 de decembro formará parte unha vez máis da Selección Galega, un encontro que o enche de ilusión e que ao mesmo tempo ve como unha gran oportunidade

-Non cres que a Selección Galega debería xogar máis partidos durante o ano?-O que está claro é que ao longo do ano hai varias competicións, equipos que están en dous ou tres torneos... Xogar máis partidos e que os equipos teñan que ceder aos seus xogadores para o partido da Selección Galega non sei se o verían ben dende os clubes. Para min estaría ben que se fixeran máis partidos, incluso un campionato a nivel estatal.

-Que opinas da posibilidade de que a Selección Galega participase en competicións oficiais?-Si, sería bonito, incluso que houbese un campionato coas diferentes autonomías do Estado. Sería algo moi bonito para a afección quedar campión do Estado Español coa selección absoluta. Pero niso, os xogadores nin pinchamos nin cortamos.

Esta é parte da entrevista que ó xornal dixital GZnacion fai a Roberto Lago,xogador do celta.
A verdade é que xa tiña eu gaña de escoitar a algún galego defender así a súa selección como xa hai tempo que o veñen a facer xogadores vascos ou cataláns.POR QUE NON UN CAMPIONATO ESTATAL??A quen molestaría??