Hipócritas:típico do PSOE

O PSdeG defende que a retirada de símbolos franquistas non afecte a "centros de prestigio" ou lugares dedicados a Fraga

O portavoz parlamentar do PSdeG, Ismael Rego, propuxo a idea de limitar nalgúns casos a retirada da simboloxía franquista dos edificios da Xunta, que aprobou onte o pleno do Parlamento, para "non ir en contra" de "centros públicos de prestixio" ou de lugares dedicados ao ex presidente da Xunta Manuel Fraga. Así, Rego asegurou que "non dicimos que non haxa que mover ficha, pero os galegos non debemos facer cousas que vaian en contra dos nosos intereses" e manifestouse partidario de aplicar "con coidado e con responsabilidade" esta iniciativa, aprobada por BNG e PSdeG no Parlamento. Deste xeito, Ismael Rego apostou por que a retirada da simboloxía fascista non afecte a "centros de referencia e de excelencia" e, en concreto, aludiu ao nome dun centro hospitalario "importante" que "haberá que xestionar con coidado", en referencia ao Hospital Juan Canalejo da Coruña.

Trato especial para Fraga:
Así mesmo, considerou que o nome de Manuel Fraga non debe ser retirado dos lugares dedicados ao ex xefe do Executivo autonómico e avogou por estudar "caso a caso" o cambio de nomenclatura dos símbolos que fagan referencia á ditadura. O portavoz parlamentario tamén recomendou aos populares que "perdan a vertixe a condenar o franquismo". Con todo, manifestou que neste asunto "hai espazos para o encontro" cos populares se manteñen o discurso que pronunciou na sesión plenaria o deputado Agustín Baamonde, que tildou de "boa intervención".